"Қазақстан археологиясы" журналының кезекті саны [№ 3 (13) 2021] басылып шықты. http://www.archeokz.com/index.php/archeokz Рецензияланған мерзімді ғылыми басылым тас дәуірінен бастап орта кейінгі орта ғасырларға дейінгі кезеңдердегі Қазақстан мен Еуразия даласы археологиясының өзекті мәселелеріне және аралас жаратылыстану ғылымдарының пәндеріне арналған.
Журналдың үшінші санында Сібірдегі алғашқы манихей ғибадатханасының тарихы, Батыс, Орталық, Солтүстік және Оңтүстік-Шығыс Қазақстандағы тас ғасыр мен орта ғасырлар ескерткіштерінің далалық зерттеулері жарияланды. Пәнаралық зерттеулер бөлімінде күйдірілген ағашты сақтау, остеологиялық материалдарды зерттеу, сүйек құралдарын трассологиялық зерттеулер, сондай-ақ сяньби кезеңінің ескерткіштерін радиокөміртекті әдіспен анықтау мәселелеріне арналған жарияланымдар бар.
"Хроника" бөлімі қазақстандық танымал археолог Арнабай Нұржановты еске алуға арналады.